Follow

【admin吹水站 4/25 - 限時降代】

話說台灣有一間店鋪將部maimai降代降至2年前嘅maimai Pink。當然,降代嘅機台無法使用網絡。
無法連接網絡亦代表機台只有呢代嘅初期收錄曲,往後更新嘅歌曲就因無法連接到Server更新而未解禁。

然而,喺其他有用網絡服務嘅遊戲,降代基本係冇乜可能。例如konami嘅 近年 嘅遊戲全部靠網絡更新、甚至無網絡係開唔到機(直至去到部機死期)。太鼓嘅網絡收費計算方法亦讓新框體太鼓必須連接網絡。

用都幾多人玩嘅Jubeat為例,saucer及以後嘅代數必須連接網絡,如果唔係會卡喺Network ERROR度。jubeat copious係最後一代可以斷網玩嘅機,外國機鋪/私人收藏機台大多都會喺呢代,而香港嘅西九奇趣天地亦停留喺再前一代嘅knit。

不過聽講過,喺2010初期日本仲有Keyboardmania打嘅時候,日本近郊有小型機鋪可以因應玩家想玩邊代而幫佢即時升/降代。雖然唔知係唔係真,不過確實係可行。

※有錯誤請指正※

Sign in to participate in the conversation
音スペーHK

香港的ACG文化Mastodon試驗站點

我們歡迎任何地方的ACG愛好者加入,並可討論任何興趣、生活、政治話題。
本站容許成人話題,但請先啟用「CW」或「NSFW」,避免其他用戶反感。
亦請尊重他人,理性討論。雖然在沒有違反法律的前提下我們不會刪除任何文章。

本站由HKMGI管理員營運。